Foydalanish shartlari

1. Xizmat haqida

E-Taklifnomachi orqali foydalanuvchilar onlayn taklifnoma yaratishi, tahrirlashi va mehmonlarga havola orqali ulashishi mumkin.

2. Hisob va ma'lumotlar

Ro'yxatdan o'tishda telefon raqami, foydalanuvchi nomi va parol kiritiladi. Foydalanuvchi o'z hisob ma'lumotlarini to'g'ri kiritishi va parolini xavfsiz saqlashi kerak.

3. Bepul va doimiy havola

Taklifnoma havolasi yaratilgandan keyin 24 soat bepul ishlaydi. "Doimiy havola" degani havola 24 soatdan keyin avtomatik yopilib qolmaydi. To'lov admin tomonidan tasdiqlangandan keyin taklifnoma xizmat faoliyati davomida va foydalanuvchi uni faolsizlantirmaguncha ochiq turadi.

Doimiy havola server yoki hisob bekor qilinganda, admin xizmatni o'chirganda, xizmat ko'rsatilayotgan tashkilot, kanal yoki guruh faoliyati tugatilganda, platforma ushbu funksiyani taqdim etishni to'xtatganda yoki E-Taklifnomachi platformasi faoliyati to'xtatilganda ishlashdan to'xtashi mumkin.

4. To'lov va tekshiruv

Doimiy havola uchun to'lov kartaga o'tkaziladi va chek Telegram yoki telefon orqali adminga yuboriladi. Admin chekni tekshiradi va to'lov tasdiqlansa taklifnoma doimiy holatga o'tkaziladi. Chek tasdiqlanmasa foydalanuvchi qayta to'lov ma'lumotini yuborishi mumkin.

5. Pulni qaytarish shartlari

Foydalanuvchi to'lov qilingan kundan boshlab 7 kun ichida, agar pullik xizmat hali faollashtirilmagan bo'lsa, pulni qaytarishni so'rashi mumkin. Pullik xizmat faollashtirilmagan holatga taklifnoma doimiy havolaga o'tkazilmagan holat kiradi.

Doimiy havola faollashtirilgandan keyin xizmat ko'rsatilgan hisoblanadi. Bunday holatda, taklifnoma hali mehmonlarga yuborilmagan bo'lsa ham, pul qaytarilmaydi.

Takroriy to'lov, noto'g'ri yechilgan summa yoki platformadagi tasdiqlangan texnik xatolik sababli xizmatdan foydalanib bo'lmasa, pul qaytarilishi mumkin. Bunday holatda foydalanuvchi to'lov cheki va muammo haqida ma'lumotni call-markaz yoki admin orqali yuboradi.

Taklifnoma muvaffaqiyatli doimiy holatga o'tkazilganganidan keyin pul qaytarilmaydi, faqat E-Taklifnomachi tomonidan tasdiqlangan texnik xatolik yoki takroriy/noto'g'ri to'lov holatlari bundan mustasno.

6. Kontent uchun javobgarlik

Taklifnomaga kiritilgan matn, rasm, musiqa, manzil va boshqa ma'lumotlar uchun foydalanuvchi javobgar. Noqonuniy, haqoratli yoki boshqalarning huquqini buzadigan kontent joylashtirish mumkin emas.

7. Xizmatdagi o'zgarishlar

Sayt texnik ishlar, xavfsizlik, xizmatni yaxshilash yoki boshqa zarur holatlarda vaqtincha ishlamasligi mumkin. Shartlar o'zgarsa, yangi talqin shu sahifada e'lon qilinadi.

8. Aloqa

Savol yoki muammo bo'lsa, call-markaz orqali bog'lanishingiz mumkin: +998 91 055 39 98.